धनगढी । कैलाली र कंञ्चनपुरबाट प्रहरीले एक लाख बढीका भन्सार छलिका सामान बरामद गरेको छ ।
बुधबबार साँझ कैलालीको धनगढी २ ट्राफिक चौराहा १९ बहुलियाघाट बाट अबैंध रुपमा भारतबाट भन्सार छलि गरि ल्याएका रु४३,५०० बराबरको चिनी, बिडी, सुर्ती, पापड, प्लाष्टिक झिल्ली, ब्याट्री लगायतका सामानहरु जिल्ला प्रहरी कार्यालय कैलाली तथा मातहत कार्यालयबाट खटिएको प्रहरी गस्ती टोलीले फेला पारी नियन्त्रणमा लिएको छ । त्यस्तै कञ्चनपुरको भिमदत्त २ भाँसी र पुनर्वास १ ढक्काबाट अबैंध रुपमा भारतबाट भन्सार छलि गरि ल्याएका रु १,३३,४०० बराबरको पेय पदार्थ, मिल्क पाउडर, पोटास, मोटरसाइकल थान १ लगायतका सामानहरु जिल्ला प्रहरी कार्यालय कञ्चनपुर मातहत कार्यालयबाट खटिएको प्रहरी गस्ती टोलीले फेला पारी नियन्त्रणमा लिएको प्रहरी ले जनाएको छ ।