धनगढी । कैलाली र कञ्चनपुर वाट लागु औषध सहित ३ जना लाई प्रहरीले पक्राउ गरेको छ । पक्राउ पर्नेमा बर्दिया, गेरुवा २ वस्ने वर्ष २२ का अमित थारु बर्ष २४ का किशोर गिरी र कञ्चनपुर ८ वस्ने बर्ष ३० का अनिल राना रहेका छन । इलाका प्रहरी कार्यालय टिकापुर, कैलालीबाट खटिएको प्रहरी टोलीले जिल्ला कैलाली, टिकापुर ९ खक्रौलाबाट थारु र गिरी को साथवाट २१० मिलिग्राम लागू औषध खैरो हेरोईन जस्तो देखिने धुलो पदार्थ सहित फेला पारि आवश्यक प्रक्रिया पुरा गरी नियन्त्रणमा लिईएको, थप अनुसन्धान भईरहेको प्रहरीले जनाएको छ ।
त्यस्तै लागू औषध नियन्त्रण व्युरो शाखा कार्यालय, महेन्द्रनगर र इलाका प्रहरी कार्यालय रैकवार, कञ्चनपुरको संयुक्त प्रहरी टोलीले जिल्ला कञ्चनपुर, कृष्णपुर ८ मजगाँउबाट रानाको साथवाट १२० मिलिग्राम लागू औषध खैरो हेरोईन जस्तो देखिने धुलो पदार्थ सहित फेला पारि आवश्यक प्रक्रिया पुरा गरी नियन्त्रणमा लिएको, र थप अनुसन्धान भईरहेको जनाएको छ ।
