धनगढी । प्रहरीले कैलाली र कञ्चनपुरबाट अवैध भन्सार छलीका सामान बरामद गरेको छ । शुक्रबार ती जिल्लाका विभन्न ठाउँबाट प्रहरीले भन्सार छलीका सामान बरामद गरेको हो ।
कैलालीका विभिन्न ठाउँबाट अवैध रुपमा भारतबाट भन्सार छली गरि ल्याएका
रु.४१ हजार ६५० बराबरको चिनी, सुर्ती, कस्मेटिक लगायतका सामानहरु जिल्ला
प्रहरी कार्यालय कैलाली मातहत कार्यालयबाट खटिएको प्रहरी गस्ती टोलीले वेवारिसे अवस्थामा फेला पारी आवश्यक प्रक्रिया पूरा गरि नियन्त्रणमा लिएको जनाइएको छ ।

त्यस्तै,कञ्चनपुरका विभिन्न ठाउँबाट अवैध रुपमा भारतबाट भन्सार छली गरि ल्याएका रु.
६९ हजार ४०० बराबरको चिनी, बिडी, सुर्ती लगायतका सामानहरु इलाका प्रहरी कार्यालय बेलौरीबाट खटिएको प्रहरी गस्ती टोलीले वेवारिसे अवस्थामा फेला पारी आवश्यक प्रक्रिया पूरा गरि नियन्त्रणमा लिएको सुदूरपश्चिम प्रदेश प्रहरी कार्यालय धनगढीले जनाएको छ ।