धनगढी । कैलाली र कञ्चनपुर वाट लागु औषध सहित ३ जनालाई प्रहरीले पक्राउ गरेको छ । प्रकाउ पर्नेमा धनगढी १५ वस्ने राम किसोर राना र कञ्चनपुर को कृष्णपुर ५ वस्ने दिनेश नेपाली सहित दुई जना रहेको प्रहरीले जानकारी दिएको छ ।
सोमवार साँझ जिल्ला प्रहरी कार्यालय कैलालीबाट खटिएको प्रहरी टोलीले जिल्ला कैलाली, धनगढी १५ ऊर्माबाट सोही ठाउँ बस्ने २८ को रानालाई २२० मिलिग्राम लागू औषध खैरो हेरोईन जस्तो देखिने धुलो पदार्थ सहित फेला पारि नियन्त्रणमा लिएको, थियो ।
त्यस्तै लागू औषध कारोबार भईरहेको छ भन्ने गोप्य सुचनाको आधारमा इलाका प्रहरी कार्यालय गुलरीया र अस्थायी प्रहरी पोष्ट गजरौला, कञ्चनपुरबाट संयुक्त रुपमा खटिएको प्रहरी टोलीले जिल्ला कञ्चनपुर, कृष्णपुर ५ पवित्रावस्ती स्थित भित्री सडक खण्डबाट सोही ठाउँ बस्ने बर्ष १९ को नेपाली समेत दुई जनालाई ५१ मिलिग्राम लागू औषध खैरो हेरोईन जस्तो देखिने धुलो पदार्थ सहित फेला पारि नियन्त्रणमा लिनुका साथै उनीहरुको थप अनुसन्धान भईरहेको प्रहरीले जनाएको छ ।
