धनगढी । सुदूरपश्चिम प्रदेशका मुख्यमन्त्री कमलबहादुर शाहले प्रदेश सभाबाट विश्वासको मत प्राप्त गरेका छन् ।
बुधबार बसेको प्रदेश सभाको बैठकमा मुख्यमन्त्री शाहले प्रस्तुत गरेको विश्वासको मत प्राप्त होस् भन्ने प्रस्तावको पक्षमा ३६ मत परेको छ ।
५३ जना सदस्य रहेको प्रदेश सभाको बुधबारको बैठकमा ४५ जना सदस्यहरुको सहभागिता रहेकोमा विपक्षमा ८ मत परेको थियो भने एक मत टठस्त रहेको सभामुख भीमबहादुर भण्डारीले बताए ।
मुख्यमन्त्री शाहलाई नेपाली कांग्रेसका १८, नेकपा एमालेका ११, नागरिक उन्मुक्ति पार्टीका ७ जना सांसद्ले विश्वासको मत प्रदान गरेको छन् ।
प्रतिपक्षी दल नेकपा माओवादी केन्द्रका १०, नेकपा एकीकृत ४ र राप्रपाका १ सांसद रहेकोमा प्रतिपक्ष दलका सबै सदस्यहरु उपस्थित भएका थिएनन् ।
