काठमाडौं । सुनसरी, इनरूवा नगरपालिका-४ बस चोकस्थित सडकमा ना.३ ख १४५ नम्बरको ट्रकले को.२२ प ४०८० नम्बरको मोटरसाइकललाई ठक्कर दिँदा मोटरसाइकल चालक भोक्राहा नरसिङ गाउँपालिका-२ बस्ने ५२ वर्षीय रमानन्द मेहताको बुधबार राति मृत्यु भएको छ । ठक्करबाट गम्भीर घाइते भएका उनको जिल्ला अस्पताल इनरूवामा उपचारको क्रममा मृत्यु भएको हो । ट्रक चालकलाई प्रहरीले नियन्त्रणमा लिएको छ ।
रूपन्देही, मायादेवी गाउँपालिका-६ बालुवादिपुस्थित सडकमा लु.२ ख ६७६ नम्बरको ट्रकको ठक्करबाट पैदलयात्री सोही ठाउँ बस्ने ३५ वर्षीय गोरख बेल्दारको बुधबार राति मृत्यु भएको छ । ठक्करबाट गम्भीर घाइते भएका उनको भिम अस्पताल भैरहवामा उपचारको क्रममा मृत्यु भएको हो । ट्रक चालकलाई प्रहरीले नियन्त्रणमा लिएको छ ।
हुम्ला, चंखेली गाउँपालिका-२ गौरीसल्लाबाट देउली बजारतर्फ जाँदै गरेको कर्णाली प्रदेश ०२-००१ च ०९२२ नम्बरको बलेरो जिप सडकबाट करिब १ सय ५० मिटर तल खसेर बुधबार बिहान दुर्घटना हुँदा जिपमा सवार रमेश मल्लको मृत्यु भएको छ ।
दुर्घटनामा गम्भीर घाइते भएका उनको कर्णाली प्रदेश अस्पताल कालागाउँ सुर्खेतमा उपचारको क्रममा बुधबार राति मृत्यु भएको हो । साथै दुर्घटनामा घाइते भएका जिपमा सवार ६ जनामध्ये ३ जनाको सोही अस्पताल र ३ जनाको जिल्ला अस्पताल मुगुमा उपचार भईरहेको छ ।
दुर्घटनाका सम्बन्धमा प्रहरीले थप अनुसन्धान गरिरहेको छ ।
