धनगढी- विभिन्न पार्टी परित्याग गरि दर्जनौँले नेकपा माओवादी केन्द्र प्रवेश गरेका छन् । आज नेकपा (माओवादी केन्द्र)को सुदूरपश्चिम प्रदेश परामर्श बैठकमा विभन्न पार्टी परित्याग गरि माओवादी केन्द्रमा प्रवेश गरेका हुन् ।
नवप्रवेशीलाई माओवादी केन्द्रका अध्यक्ष एवं पूर्वप्रधानमन्त्री पुष्पकमल दाहाल ‘प्रचण्ड’ले स्वागत गरेका छन् । नेपाली कांग्रेसबाट कैलारी गाउँपालिका–९ का खुशीराम चौधरी, धनगढी उपमहानगरपालिका–१ का हुकुम सुनार,दिलीप सुनार,धनगढी–७ का बामशुभचिन्तक भीमबहादुर विक,वडा नंं १ का बुद्धिजीवि अनिल झा,वडा नं. १४ का भल्मन्सा बहादुर चौधरी र राप्रवि संघका नरेन्द्रबहादुर सामन्त पार्टी प्रवेश गरेको जनाइएको छ ।
त्यस्तै,नेविसंघका जंग रोकाय,नेकपा एकीकृत समाजवादीबाट धनगढी–१ का मेघराज लामिछाने र लालबहादुर घिमिरे र नेकपा एमालेबाट धनगढी–११ का योगेन्द्र धानुकले प्रवेश गरेकोे माओवादी केन्द्रले जनाएको छ ।
