धनगढी- कैलालीमा दुई मिनिट्रक एक आपसमा ठोक्किदा एकजना घाइते भएका छन् ।
मंगलबार भीमदत्त राजमार्ग अन्तरगत गोदावरी नगरपालिका –४ बुढीतोलामा अत्तरियाबाट दार्चुला तर्फ जाँदै गरेको सुपप्र ०१००१ ख २७७३ मिनिट्रक र विपरीत दिसाबाट आउँदै गरेको सुपप्र ०१००१ क १९८६ मिनी ट्रक एक आपसमा ठोक्किदा एकजना घाइते भएका हुन ।
दुर्घटनामा सुपप्र ०१००१ क १९८६ मिनिट्रकमा सवार डोटीको दिपायल सिलगढी नगरपालिका – ३ का २६ वर्षीय बिरु भुर्जी घाइते भएको जिल्ला प्रहरी कार्यालय कैलालीले जनाएको छ । घाइते भुर्जीको अत्तरियास्थिति पद्मा अस्पतालमा उपचार भइरहेको जनाइएको छ ।
