धनगढी– जिल्ला अदालत कैलालीका न्यायधिश दण्डपाणी लामिछानेले समाज रुपान्तरणमा मेलमिलाप कार्यकर्ताको महत्वपूर्ण भूमिका रहेको बताएका छन् ।
प्राकृति स्रोत द्धन्द्ध रुपान्तरण केन्द्रको आयोजनामा धनगढीमा भएको आठ दिने आवासीय मेलमिलाप सम्बन्धी आधारभूत तालिम समापन कार्यक्रममा बोल्दै उनले समाजमा हुने विभिन्न खालका विवादहरु मेलमिलापको माध्ययमबाट निरुपण गर्न मेलमिलाप कार्यकर्ताको महत्वपूर्ण भूमिका रहेको बताए ।
तालिममा सहभागी भएका सबै मेलमिलाप सहजकर्ताले तालिममा सिकेका कुराहरु व्यवहारमा उतार्न आवश्यक रहेको न्यायधिश लामिछानेको भनाइ थियो ।
प्राकृति स्रोत द्धन्द्ध रुपान्तरण केन्द्रका संस्थापक अध्यक्ष तथा मेलमिला परिषदका सदस्य चुपबहादुर थापाले समाजमा आपसी वादविवादका कारण हुने घट्ना न्यूनिकरणमा मेलमिलाप कार्यकर्ताले महत्वपूर्ण भूमिका खेल्नुपर्ने बताए ।
समाजमा हुने बादविवादलाई मिलाएर लैजान सके मात्र समुन्नत समाज निर्माण हुने उनले बताए । समाजमा बादविवादका कारण फाँटेका मनहरुलाई जोड्न सक्नु नै मेलमिलाप कार्यकर्ताको मुख्यभूमिका रहने उनले बताए ।
प्राकृति स्रोत द्धन्द्ध रुपान्तरण केन्द्रका प्रदेश संयोजक बल्लु चौधरीले संचालन गरेको कार्यक्रममा स्वागत मन्तव्य स्रोत व्यक्ति गंगा दुलालले स्वागत गरेका थिए ।
तालिमको सहजिकरण संस्थापक अध्यक्ष चुपबहादुर थापा, त्रिपुरा गिरी लगायतले गरेको जनायउको छ ।
सो मेलमिलाप तालिमा कैलाली, डोटी, अछाम, डडेल्धुरा, बैतडी र बाजुराका २८ जनाको सहभागिता रहेको थियो ।