कैलाली- सुदूरपश्चिम मेटल व्यवसायी संघ कैलालीले आयोजना गरेको रक्तदान कार्यक्रममा ३६ जनाले रक्तदान गरेका छन् । आज संघले बिरामीलाई रगतको अभाव हुन नदिन धनगढीको कभर्डहल अगाडि गरेको कार्यक्रममा ३६ जनाले रक्तदान गरेका हुन्।
हरेक बर्ष विश्वकर्मा पूजालाई लक्षित गरेर संघले रक्तदान गर्ने गरेको सुदूरपश्चिम मेटल व्यवसायी संघ कैलालीका अध्यक्ष हिक्मतबहादुर सुनारले निशाना न्युजलाई जानकारी दिए ।
विश्वकर्मा पूजा खर्चिलो नबनाई मानवसेवामा खर्चिने उदेश्यका साथ यो कार्यक्रमको आयोजना गरिएको सिद्धार्थ ईन्जिनियरिङका संचालक एवं संघका निवर्तमान अध्यक्ष सिद्धार्थ विकले वताए । विगत ६ बर्षमा ४ सय जनाले रक्तदान गरिसकेको उनले बताए ।
