धनगढी । कैलालीका विभिन्न क्षेत्रवाट प्रहरीले भन्सार छलीका सामान वरामद गरेको छ । सोमवार साँझ कैलालीको कैलारी ५ पबेराबाट भारतबाट भन्सार छलि गरि ल्याएको मूल्य रु।१,००,०००।– बराबरको फुल गुच्चा सहित धनगढी ६ मट्यारी बस्ने बर्ष ३६ को शंकर सिंह बिष्टलाई सुदूरपश्चिम प्रदेश प्रहरी कार्यालय धनगढी र इलाका प्रहरी कार्यालय हसुलिया, कैलालीबाट संयुक्त खटिएको प्रहरी गस्ती टोलीले फेला पारी आवश्यक प्रक्रिया पुरा गरि उक्त फुल गुच्चा र मानिस समेत नियन्त्रणमा लिएको हो ।

यसैगरी,  कैलालीको , भजनी ३ ठेकीपुलबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु२२,१००।– बराबरको स्पिकर, स्पिकरको ज्याक तार, रिमोट, ज्याक, पावर प्लक लगायतका सामानहरु  इलाका प्रहरी कार्यालय भजनी, कैलालीबाट खटिएको प्रहरी टोलीले वेवारिसे अवस्थामा फेला पारी नियन्त्रणमा लिएको प्रहरीले जनाएको छ ।