धनगढी । कैलालीको धनगढी उपमहानगरपालिका–५ शिवनगर टोलस्थित चैतन्य पाठशालामा चैतन्य विद्यार्थी महोत्सव आजबाट सुरु भएको छ । चैतन्य पाठशालाको आयोजनामा चैतन्य विद्यार्थी महोत्सव २०८१ को पहिलो सस्करण सुरु भएको हो ।

महोत्सवको सुदूरपश्चिम प्रदेशका मुख्यमन्त्री कमलबहादुर शाहले उद्घाटन गरेका छन् । चैतन्य पाठशालाले विगतका वर्षदेखि नै आयोजना गर्दै आइरहेको स्टिमफेयर वार्षिक खेलकुद सप्ताहलाई यो वर्ष विन्टर क्याम्प रमाइलो मेलालाई जोडेर संयुक्त रुपमा आयोजना गर्न लागेको पाठशालाले जनाएको छ ।

महोत्सवको उद्घाटन समारोह चैतन्य पाठशालाका अध्यक्ष गणेशप्रसाद जोशीको अध्यक्षतामा भएको थियो ।

शिक्षा र संस्कारको संगम,वेद र विज्ञानको संयोजन,प्रकृति र संस्कृतिको सम्मानका लागि चैतन्य पाठशालाको शौक्षिक अवधारणा अघि बढिरहेको र पाठशालाले विद्यार्थीहरूको चौतर्फी विकासका लागि उक्त महोत्सव गर्न लागेको पाठशालाका प्रधानाध्यापक कटकबहादुर सिहँले बताए। महोत्सव आगामी माघ ५ गतेसम्म सञ्चालन हुने आयोजकले जनाएको छ ।