धनगढी । कैलालीका बिभिन्न स्थानबाट लागू औषध सहित ५ जनालाई प्रहरीले पक्राउ गरेको छ । शनिबार साँझ उनीहरुलाई प्रहरीले पक्राउ गरेको हो ।
पक्राउ पर्नेमा टीकापुर २ विजयनगर स्थित भित्री सडक खण्डबाट लागू औषध सेवन गरि रहेको अवस्थामा १ विजयनगर बस्ने बर्ष २५ को श्याम चौधरी समेत दुई जनालाई ४० मिलिग्राम लागू औषध खैरो हेरोइन जस्तो देखिने धुलो पदार्थ सहित इलाका प्रहरी कार्यालय टिकापुर, कैलालीबाट खटिएको प्रहरी टोलीले नियन्त्रणमा लिएर थप अनुसन्धान भईरहेको जनाएकोे छ ।
गोदावरी १ भगतपुरबाट सोही ठाउँ बस्ने बर्ष २९ को बिरेन्द्र चौधरीलाई २१० मिलिग्राम लागू औषध खैरो हेरोइन जस्तो देखिने धुलो पदार्थ सहित जिल्ला प्रहरी कार्यालय कैलाली र इलाका प्रहरी कार्यालय मालाखेती, कैलालीबाट संयुक्त खटिएको प्रहरी टोलीले नियन्त्रणमा लिएको, थप अनुसन्धान भईरहेको छ ।
, धनगढी ३ ब्यारेल नजिकबाट गोदावरी ३ बस्ने बर्ष ३४ दिपक चदारालाई ४२० मिलिग्राम लागू औषध खैरो हेरोइन जस्तो देखिने धुलो पदार्थ सहित जिल्ला प्रहरी कार्यालय कैलालीबाट खटिएको प्रहरी टोलीले नियन्त्रणमा लिएको, थप अनुसन्धान भईरहेको छ ।
यसैगरी धनगढी ४ बसपार्कबाट जिल्ला दार्चुला, व्यास ६ खातीगाउँ बस्ने बर्ष २६ को रवीन्द्र सिंह भण्डारीलाई १३० मिलिग्राम लागू औषध खैरो हेरोइन जस्तो देखिने धुलो पदार्थ सहित अस्थायी प्रहरी पोष्ट बसपार्क, कैलालीबाट खटिएको प्रहरी टोलीले नियन्त्रणमा लिएको,र थप अनुसन्धान भईरहेको प्रहरीले जनाएको छ ।
