धनगढी । कैलालीको गोदावरी धाममा स्नान गर्नेको घुइँचो लागेको छ । आज बिहानैदेखि गोदावरी धाममा स्नान गर्नेको घुइँचो लागेको हो । माघे संक्रान्तिको अवसरमा गोदावरी धाममा बाह्रराशि मकर मेलाको आयोजना पनि गरिएको छ।
गोदावरी धाम विकास समितिले मकर मेलाको आयोजना गरेको हो । सुदूरपश्चिमको प्रसिद्ध धार्मिकस्थल रहेको गोदावरी धाममा सुरु भएको मकर मेलाको सोमबार एक कार्यक्रमका बीच गोदावरी नगरपालिकाका नगर प्रमुख बीरेन्द्र भट्टले उद्घाटन गरेका थिए ।
मकर मेलाको अवसरमा बिहानैदेखि गोदावरीमा स्नान गर्नेहरूको भीड लागेको छ। मकर मेलाका लागि गोदावरी नगरपालिकाले निःशुल्क बसको व्यवस्था गरेको जनाइएको छ ।
आजको दिन पवित्र नदी एवं त्रिवेणीमा स्नान, जप, तप, ध्यान र दान गरी घ्यू, चाकु, तरुल एवं खिचडी खाने गरिन्छ। तरुललाई पुस मसान्तका दिन उसिनेर माघ १ गते खाने परम्परा छ। यी परिकारले जाडोमा न्यानो प्रदान गर्ने भएकाले चिसो समयमा पर्ने पर्वमा ताता परिकार खाने गरिएको हो।
