सुनसरी । दुहबी नगरपालिका-८ हुलास फ्याक्ट्री अगाडि सडकमा बिराटनगरबाट ईटहरीतर्फ जाँदै गरेको को.१ ख ७०२३ नम्बरको बसले प्र.१-०२-०५६ प ५५९३ नम्बरको मोटरसाइकललाई सोमबार दिउँसो ठक्कर दिँदा मोटरसाइकलमा सवार ईटहरी उपमहानगरपालिका-५ बस्ने ५० वर्षीया चिनि माया बुढाथोकीको मृत्यु भएको छ ।
दुर्घटनामा गम्भीर घाइते भएकी उनको बिराट मेडिकल कलेज टिचिङ अस्पताल बुढीगंगा मोरङमा उपचारको क्रममा मृत्यु भएको हो ।
साथै दुर्घटनामा घाइते भएका मोटरसाइकल चालकको बिराट नर्सिङहोम अस्पताल बिराटनगरमा उपचार भइरहेको छ । प्रहरीले बसचालकलाई नियन्त्रणमा लिई दुर्घटनाका सम्बन्धमा आवश्यक अनुसन्धान गरिरहेको छ ।
