धनगढी । कैलाली र कञ्चनपुरका केही स्थानबाट प्रहरीले ३ लाख बढी मुल्यका भन्सार छलीका सामान बरामद गरेको छ ।
बुधबार साँझ धनगढीका केही स्थानबाट २ लाख ९८ हजार २५० र कञ्चनपुरबाट ७४ हजार ८५० रपैयाको सामान फेला पारी प्रहरीले बरामद गरेको हो ।
उनीहरुले धनगढी ३ मिलन चोक ९ धनगढीगाँउ, १८ गाँउघाट, भजनी ६ नवलपुर र ७ हिक्मतपुर घाट जाने बाटोबाट भन्सार छलि गरि ल्याएका चिनी, प्याज, सुजी, चक्लेट, बदाम, विभिन्न कम्पनीका मोबाईल कभर, बिडी, सुर्ती, सुटपिस, प्लाजु, लेगिज, बच्चाका कपडा, सिद्रा माछा लगायतका सामानहरु जिल्ला प्रहरी कार्यालय कैलाली तथा मातहत कार्यालयबाट खटिएको प्रहरी गस्ती टोलीले बेबारिसे अवस्थामा फेला पारी नियन्त्रणमा लिएको जनाएको छ ।
त्यस्तै बेलौरी २ चारघरुवा र पुनर्वास ११ नमुना ईट्टाभट्टा नजिकबाट भारतबाट भन्सार छलि गरि ल्याएका सो मुल्य बराबरको बिडी, सुर्ती, चक्लेट, ब्याट्री, पेय पदार्थ, बोईलर कुखुरा लगायतका सामानहरु जिल्ला प्रहरी कार्यालय कञ्चनपुर मातहत कार्यालयबाट खटिएको प्रहरी गस्ती टोलीले बेबारिसे अवस्थामा फेला पारी नियन्त्रणमा लिएको हो ।
