धनगढी । डडेल्धुरामा एक भान्सा कोठामा आगलागी हुँदा धनमाल जलेर नष्ट भएका छन ।
जिल्लाको आलिताल गाउँपालिका–८ बस्ने रती कामीको भान्सा घरमा चुलोमा बालेको आगोबाट भान्सामा आगलागी भएको हो ।
आगलागी हुँदा भान्सा कोठा भित्र रहेका खाद्यान्न, लत्ताकपडा, भाँडाबर्तन लगायतका सामान गरी अन्दाजी रु ५० हजार बराबरको धनमाल जलेर नष्ट भएको सुदूरपश्चिम प्रदेश प्रहरी कार्यालय धनगढीले जनाएको छ ।
