धनगढी । नेकपा ९माओवादी केन्द्र० का उपमहासचिव एवम् सुदूरपश्चिम प्रदेश इन्चार्ज गिरीराजमणि पोखरेलले पार्टीले तीन महिनासम्म सञ्चालन गरेको हुलाकी राजमार्ग केन्द्रित तराई मधेस जागरण अभियानले जनतासँग निकट सम्बन्ध कायम गर्न सफल भएको कायम भएको बताएका छन् ।
तराई मधेस जागरण अभियानको उपलब्धीबारे जानकारी दिन आज धनगढीमा आयोजित पत्रकार सम्मेलनमा बोल्दै उनले अभियान भव्य रुपमा सम्पन्न भएको दाबी गरे । उनले पार्टीले सञ्चालन गरेको यो अभियानले सकारात्मक सन्देश दिएको बताउँदै जनताहरुले आफ्नो कुरा सुनाए, हाम्रो नेतृत्वले पनि जनतालाई हाम्रो कुरा सुनाएको बताए ।
यसले पार्टीलाई थप उर्जा प्राप्त भएको थपिएको बताउँदै उनले अभियानको क्रममा जनताको समस्या नजिकबाट बुझ्ने र हेर्ने अवसर मिलेको बताए ।
इन्चार्ज पोखरेलले हुलाकी राजमार्ग क्षेत्रका जनताहरु सुविधा र सुरक्षा खोजिरहेको बताए । हुलाकी राजमार्गको दक्षिणतिरका जनतामा न्यूनतम् सेवा सुविधा पनि नपुगेको भन्दै उने भने, यत्रो ठुलो परिवर्तन हुँदासम्म अहिलेसम्म यस क्षेत्रमा न्यूनतम् कुरा पनि पुगेको छैन ।
सीमाको रक्षा गरिरहेको वास्तविक देशभक्त जनता यो क्षेत्रमा रहेको कुरा केन्द्रीय राज्य सत्ताले बुझ्न जरुरी रहेको चर्चा गर्दै उनले अभियानले रुपान्तरण हुनुपर्ने सन्देश दिएको र यहिँ नै मूल उपलब्धी रहेको बताए ।
गत फागुन १२ गतेबाट माओवादीले झापाबाट हुलाकी राजमार्ग केन्द्रित तराई मधेस जागरण अभियान थालेको थियो । ६४ औं दिनमा सो अभियान कञ्चनपुरको महेन्द्रनगर पुगेर बुधबार समापन भएको थियो ।
अभियान अवधिमा अन्य पार्टीका नेता तथा कार्यकर्ता र सामाजिक व्यक्तित्वहरूलाई पार्टी प्रवेश गराउने, २०६४ मा माओवादीलाई मतदान गर्ने जनतासँग भेटघाट, स्वागत र पुनर्मिलन गराउने काम गरेको उनको भनाइ थियो । फागुन १२ गते झापाको कचनकवल गाउँपालिकाको बनियानीबाट सुरु भएको सो कञ्चनपुरको महेन्द्र नगरमा विरोधसभा गरी सम्पन्न भएको उनले जानकारी दिए ।
अभियानका क्रममा अध्यक्ष पुष्पकमल दाहाल प्रचण्ड, वरिष्ठ उपाध्यक्ष नारायणकाजी श्रेष्ठ, उपाध्यक्षहरू पम्फा भुसाल, अग्निप्रसाद सापकोटा, महासचिव गुरुङ, सुदूरपश्चिम प्रदेशका इन्चार्ज तथा उपमहासचिव गिरिराजमणि पोखरेल लगायतका शिर्ष नेताहरू सहिद परिवार भेटघाटको क्रममा अहिले कञ्चनपुरसम्म पुगेको जनाइएको छ ।