कैलाली । कैलालीको विशालनगर स्थित ईमरल्ड एकेडेमी धनगढीले बिद्यार्थीलाई स्वागत गर्ने भएको छ ।शैक्षिक सत्र २०८२ मा नयाँ भर्ना भएका पिजी देखि कक्षा ९ सम्मका करिब ११४ जना विद्यार्थीलाई एकेडेमीले शुक्रबार स्वागत गर्ने भएको हो ।
नयाँ भर्ना भएका विद्यार्थीलाई पुराना बिद्यार्थीले स्वागत गर्नुका साथै आफ्ना अनुभब साँटासाट गर्ने कार्यक्रम रहेको विद्यालयका प्रिन्सिपल शशी पाठकले निशाना न्युजलाई जानकारी दिए ।
विद्यालयका शिक्षकहरुले पनि स्वागत गर्नुका साथै बिद्यालयको वातावरण लगाएतका समर्ग बिषयहरुमा उनीहरुलाई परिचित गराउने कार्यक्रम रहेको विद्यालयका संयोजक सीता रावतले बताईन् । स्वागत मन्तब्य राख्ने कार्यक्रम पनि रहेको उनले बताईन् ।
विद्यालयलाई विश्वास गरी भर्ना भएकोमा विद्यार्थी तथा अभिभावकलाई धन्यवाद ज्ञापन गर्ने र नाचगानका कार्यक्रम पनि रहेको उनको भनाई छ ।
