धनगढी । सुदूरपश्चिममा कर्तव्य ज्यान मुद्दामा ४५ जना पक्राउ परेका छन् । चालु आर्थिक वर्ष २०८१/८२ को १० महिनाको अवधिमा कर्तव्य ज्यान मुद्दामा उक्त व्यक्तिहरु पक्राउ परेका हुन् ।
सुदूरपश्चिम प्रदेश प्रहरी कार्यालय धनगढीका अनुसार चालु आवको साउनमा ३,भदौमा ८,असोजमा ४ र कार्तिकमा ९ जना पक्राउ परेका छन् ।
त्यस्तै,मंसिरमा ३,पुसमा २,माघमा ५,फागुनमा ४,चैतमा ५ र बैशाखमा २ जना पक्राउ परेको सुदूरपश्चिम प्रदेश प्रहरी कार्यालयले जनाएको छ । कर्तव्य ज्यान मुद्दाका ४ जना फरार रहेको जनाइएको छ ।
सो अवधिमा कर्तव्य ज्यान मुद्दामा कैलालीमा १८,डोटीमा ७,डडेल्धुरामा ३,अछाममा ४,कञ्चनपुरमा ५,बैतडीमा ३,बाजुरामा ४ र बझाङमा १ जना पक्राउ परेका छन् ।
गत आव २०८०।८१ मा विभन्न मितिका कर्तव्य ज्यान मुद्दामा ९१ जना पक्राउ परेको जनाइएको छ । गत आवको साउनमा ६,भदौमा ४,असोजमा २ र कार्तिकमा १९ जना पक्राउ परेका थिए ।
कर्तव्य ज्यान मुद्दामा मंसिरमा २२,पुसमा ९,माघमा ३,फागुनमा ९,चैतमा ५ र बैशाखमा २,जेठमा ५ र असारमा ६ जना पक्राउ गरिएको सुदूरपश्चिम प्रदेश प्रहरी कार्यालय धनगढीले जनाएको छ । गत आवमा पनि ४ जना फरार रहेको जनाइएको छ ।
