काठमाडौं- काठमाडौं महानगरपालिकाका मेयर बालेन्द्र साह अस्वस्थ भएका छन् । उनलाई केही दिनअघि डेंगु संक्रमण देखिएको निकट स्रोतले बतायो । हाल घरमै आराम गरिरहेका बालेनको अवस्था अहिले सुधारोन्मुख रहेको स्रोतको भनाइ छ । पछिल्लोपटक उनी गत बिहीबार एक सार्वजनिक कार्यक्रममा देखिएका थिए ।
बालेनसँगै उनका निकट सहयोगी कुमार बेनलाई पनि डेंगुभएको स्रोतले बतायो । उनी पनि अहिले वेड रेस्टमा छन । बालेनलाई डेंगु भएको खवर उनको सचिवालयले सार्वजनिक गरेको छैन ।
काठमाडौंमा डेंगु अनियन्त्रित भएर फैलिरहेका बेला यसको रोकथामलाई प्राथमिकतामा नराखेर दशैको मुखमा जनताको घर भत्काउदै हिडेको भनेर एकथरीले बालेनको आलोचना गरिरहेकाले खबर गोप्य राखिएको हुन सक्ने अनुमान छ ।
सहयोगी कुमार बेनले बालेनलाई डेंगु नभएर फूड पोइजनिङ भएको दावी गरे । अहिले ठिक हुन लागेको उनले जानकारी दिए । आफू पनि अस्वस्थ भएर आराम गरिरहेको उनले बताए ।
