धनगढी । धनगढी उपमहानगरपालिका-५ जाईमा बिहिबार फुटवयर पसल सञ्चालनमा आएको छ ।
स्थानीय हिमाल बिक र ईन्द्र बिकको संयुक्त लगानीमा सो पसल सञ्चालना आएको हो । पछिल्लो समय बैदेशिक रोजगारमा युवाहरुको बढ्दो आकर्षण रहेका बेला उनीहरुको व्यवसाय प्रतिको मोहले नेपाल मै केही गर्नुपर्छ भन्ने सन्देश दिएको छ ।
आफूले बिदेशमा भन्दा स्वदेशमै केही गर्नु भन्ने उदेश्यले व्यवसाय सुरु गरेको युवा व्यवसायी हिमाल बिकले बताए । युवाहरु बिदेश जाने र उता सोचे अनुसारको काम नपाउने समस्या दिन प्रतिदिन बढिरहेको देख्दा आफूहरुले नेपालमा केही गर्नुपर्छ भन्ने सोचेर व्यवसाय सञ्चालन गरेको उनको भनाइ छ ।
सानै व्यवसाय भएपनि आफ्नै देशमा राम्रो हुने बताउँदै हिमालले भने “अहिले १० लाख लगानी गरेर सञ्चालनमा ल्याएको छु बिस्तारै लगानी थप्ने छु ।” स्वदेशमा पनि गर्न सके सफलता प्राप्त गर्न सकिने व्यवसायी हिमालले बताए । उनले अन्य युवाहरुलाई समेत नेपालमै केही गर्न आग्रह गरे ।
