धनगढी । जिल्ला प्रहरी कार्यालय कैलालीले धनगढी बसपार्कमा तालिमप्राप्त कुकुरबाट चेकजाँच गर्न थालेको छ । चेकजाँचका लागि बसपार्कमा तालिमप्राप्त कुकुरसहित प्रहरी परिचालन गरिएको हो ।
जिल्ला प्रहरी कार्यालय कैलालीका अनुसार बडा दसैँ, तिहार तथा छठ पर्व लक्षित सुरक्षा योजना अनुसार तालिम प्राप्त कुकुरसहित चेकचाँच थालिको हो । चाडपर्वको समयमा कुनै अपराधिक गतिविधि कहिकतैबाट नहोस भनेर तालिमप्राप्त कुकुरसहित परिचालन गरिएको प्रहरीले जनाएको छ।
सुदूरपश्चिम प्रदेश प्रहरी कार्यालय धनगढीको के–९ (डग) शाखासंगको समन्वयमा धनगढी बसपार्कमा यतिबेला चेकजाँच गर्ने काम भइरहेको छ। जिल्ला प्रहरी कार्यालय कैलालीबाट प्रहरी निरीक्षक दिपकबहादुर धामीको कमाण्डमा खटिएको १८ जनाको प्रहरी टोलीले बिहीबार ४० वटा सवारीसाधन र २५० जना विभिन्न व्यक्तिहरूलाई तालिम प्राप्त कुकुरबाट चेकजाँच गरिएको जनाइएको छ।
