कैलाली । आयो दशैं बाजा बजाई गयो दशै ऋण बोकाई भन्ने पुरानो नेपाली उखान हो दशैं । दशैं पर्व हिन्दुहरुको मात्रै भनिए पनि अन्य जातिय तथा धार्मिक समुदायले पनि विभिन्न तरीकाले यो पर्वमा सहभागीता जनाएको देखिन्छ ।

दशैं एकातिर आफन्तजन भेटघाट गर्ने, रमाईलो गर्ने र भावनान्तमक सम्बन्ध वलियो बनाई राख्ने राम्रो पर्वका रुपमा देखिन्छ । यो सकारात्मक पक्ष हो । तर यसले समाजको विपन्न बर्गमा ठूलो आर्थिक समस्या निम्त्याउने गरेको छ । यस्तै छ ,धनगढी ३ कालिकानगर बस्ने कृण्ण सार्किलाई । कामनगरी खाननपुग्ने उनलाई दशै तिहार के हो थाहा हुदैन ।
उनी बिहान ८ बजे आफना झोला झम्टा बोकेर धनगढीको चौराह चौकमा आउछन् र सडक छेउमा बसेर जुता पालिस र जुता सिलाइको काममा व्यस्त हुन्छन् ।
काम नगरी खान पुग्दैन उनले भने यही कामबाट ८ जनाको परिवारको घरखर्च चलाउदै गरेको छु ।
जुता पालिस र सिलाईको काम गर्न थालेको करिब १५ बर्ष भएको उनले बताए । भारतको हिमाञ्चल पंजाब क्षेत्रमा कामको खोजीमा गएको थिए उनले भने केही बर्ष काम गरे त्यताको कामले केही नहुने भएपछि आफनै देशमा केही गरौ भनेर यो पेशा अगालेको छु ।

पुख्यौली पेशापनि हो बुबा बाजेले यही पेशा गरेर जिबनयापन गरेका थिए आफुले पनि यही पेशा अगालेर बसेको उनले बताए । उनले भने घरमा अन्यकाम गर्ने भनेको मेरो मेडम हुन् उनले लेबरीकाम गर्दै आएकी छन् छोराछोरीहरु पढ्दै छन् ।

अहिले सम्म आफ्नै मेहनत पसिनाबाट जिबन गुजारा भईरहेको छ । जिबन के हो थाहा हुदैन बाच्नका लागी कर्म गर्नुनै पर्छ उनले भने
पुख्यौली घर डोटी सिलगढी हो कामको खोजीमा तराई झरेको करिब ५२ बर्ष भएको उनले बताए । पछि धनगढी ३ को कालिकानगरमा घरजम गरेर वसाइ गरेको उनले बताए ।
पछिल्लो समय आर्थिक सम्पन्नता भएकाहरुलाई जति खर्च गरे पनि रमाईलो लाग्ने दशैं आर्थिक विपन्नहरुका लागी भने दशैं दशाको रुपमा देखिदै गएको छ ।