कैलाली । धनगढी उपमहानगरपालिका १३ मा ग्राबेल सडक नहँुदा स्थानिय कृषकले सास्ती भोग्दै आएका छन् । धनगढी १३ कैलाली गाँउको पिपल चौतारा देखि हल्दुडाँडा हुँदै लक्ष्मीनगर सम्म जोडीएको करिव ३ कि.मी सडक ग्राबेल नहुँदा स्थानिय कृषकले सास्ती भोग्दै आएका हुन् ।
गाँउका कृषकको खेतबारी सडक छउमै भएका कारण धानखेती र गेहुखेती सिजनमा ढुवानी गर्न समस्या हुने गरेको कृषक झेली रानाले निशाना न्युजलाई जानकारी दिए । यो सडकका बारेमा वडा कार्यालयलाई जानकारी दिदा पनि ग्राबेल गर्न नसकेको उनले बताए ।
हामीले सिजनमा धान गेहु ओसार पसार गर्न गोरुगाडाको प्रयोग गर्नुपर्छ उनले भने सडक हुँदा पनि कष्टभोग्नु पर्ने अबस्था आएको छ । यही क्षेत्रको हल्दुडाँडामा बसोबास गर्दै आएका ४ जनाको घरमा बिधुत नहुँदा अन्धकारमा बस्नु परेको उनको भनाई छ ।
धोके राना, धर्मराज जोशी ,सुन्दर राना,मेखराज रानाको घरमा बिधुत नहुँदा उनीहरु अन्धकारमा बस्न बाध्यभएको उनको भनाई छ ।बिधुत नहुँदा वालवालिकालाई किताब पढ्न र रातीको वेला सर्पको जोखीम हुने गरेको उनले बताए ।
धनगढी उपमहानगरपालिका वडा नं. १३ का वडा अध्यक्ष बिजयराज जोशीले वस्ती भएको क्षेत्रमा ग्राबेल गरिएको बताए । उनले कृषकको खेतसम्मै ग्राबेल नगरिएको र खेत भएको क्षेत्रसम्म सडक छ ग्राबेल गरिएको छैन उनले भने पहल भइरहेको छ यो बर्ष हुन्छ । बिधुतकोआपुर्तिका लागी दुई पटक बिधुत कार्यालयलाई जानकारी दिएको तर उनीहरुले बेखर गरिरहेको जोशीको भनाई छ । वडाबाट बिधुतको लागी पहल भइरहेको उनले बताए ।
