धनगढी । कैलाली र कञ्चनपुरबाट करिव ७ लाख ८९ हजार ७४० रुपैया भन्सार छलिको सामान प्रहरीले नियन्त्रणमा लिएको छ ।
बुधबार कैलालीको धनगढी २ सिसा पोष्ट भजनी ५ करुवाघाटबाट रु.९८,१५०।–बराबरको सुर्ती, विडी, सलाई, साडी, सुटपिस लगायतका सामानहरु जिल्ला प्रहरी कार्यालय कैलाली तथा मतहत कार्यालयबाट खटिएको प्रहरी गस्ती टोलीले बेबारिसे अवस्थामा फेला पारी नियन्त्रणमा लिएको थियो ।
त्यस्तै कञ्चनपुरको भिमदत्त ४ बसपार्क र बेलौरी ६ भुराकोटबाट मूल्य रु. ६,६१,५९०। – बराबरको दुईवटा मोटरसाईकल सहित कोट, टि-सर्ट,भाडाबर्तन लगायतका सामानहरु जिल्ला प्रहरी कार्यालय कञ्चनपुर तथा मातहत कार्यालयबाट खटिएको प्रहरी गस्ती टोलीले बेबारिसे अवस्थामा फेला पारी नियन्त्रणमा लिएको जनाएको छ ।
