कैलाली । धनगढी उपमहानगरपालिकाले १९ वटै वडाका कच्ची सडकहरुमा ग्राभेल गर्न थालेपछि स्थानीय खुशी हुन थालेका छन् । उपमहानगरपालिकाले क्रमिकरुपमा कच्ची सडकहरुमा ग्राभेल गर्न थालेपछि स्थानीय खुशी हुन थालेका हुन् ।
लामो समयदेखि ग्राभेल नहुँदा सडकमा भएका खाल्डाखुल्डीका कारण आउजाउ गर्न कठिन भइरहेको अवस्थामा उपमहानगरले ग्राभेल गर्न थालेपछि स्थानीयले राम्रो काम भन्दै खुशी व्यक्त गरेका छन् ।
धनगढी–१३ श्रीलंका टोलकी स्थानीय निर्मला भट्टले विगतमा ग्राभेल नहुँदा सवारी साधन आवतजावतमा असहज भएको र सामान ओसारपसारमा अप्ठेरो हुने गरेको बताइन् । त्यस्तै बिगतमा बालबालिकालाई स्कुल लैजान गाह्रो हुने गरेको र अहिले नगरपालिकाले ग्राभेल हालेपछि धेरै सहज भएको उनको भनाइ छ । ‘म धनगढी उपमहानगरपालिकालाई धेरै धन्यवाद दिन चाहान्छु । हामीहरुको समस्यालाई समाधान गरिदिएको छ ।’
त्यस्तै,धनगढी उपमहानगरपालिका– १३ श्रीलंका टोलका भलमन्सा आइसराम चौधरीले ग्राभेल नभएको सडकमा नगरपालिकाले ग्राभेल हाल्ने कामले स्थानीयको लामो समयदेखिको समस्या समाधान भएको बताए । उनले भने ‘ग्राभेल नहुँदा हिडडुल गर्न अप्ठेरोे थियो । केही सामान ल्याउन लैजान समस्या भइरहेको थियो ।’ नगरपालिकाले ग्राभेल हालिदिँदा सबै समस्या समाधान भएको उनको भनाइ छ ।
धनगढी उपमहानगरपालिका–१३ का कार्यबाहक वडाअध्यक्ष हिरालाल रानाले सबै टोलमा क्रमिकरुपमा ग्राभेल हाल्ने काम भइरहेकोे बताए ।
‘वडामा निवेदन आइरहेका छन्’ उनले भने ‘निवेदनको आधारमा प्राविधिक सहितको टोलीले ग्राभेल गर्नु पर्ने सडकको निरीक्षण गरिसकेपछि ग्राभेल हाल्ने काम हुन्छ ।’ ‘बर्षातको समयमा समस्या भइरहेको थियो’ उनले भने ‘अहिले ग्राभेल हाल्न थालेपछि स्थानीय निकै खुशी भएका छन् ।
