धनगढी । लागुऔषध मुद्दाका ३ जना फरार प्रतिवादी पक्राउ परेका छन्।
जिल्ला अदालत कैलालीको विभिन्न मितिको फैसलाले कैद सजाय तथा जरिवाना ठहर भइ फरार रहेका उनीहरूलाई प्रहरीले सोमबार पक्राउ गरेको हो ।
पक्राउ पर्नेमा लागुऔषध मुद्दामा १ महिना १० दिन कैद सजाय तोकिएका टीकापुर नगरपालिका–१ ब्लक नम्बर ७ बस्ने २८ वर्षीय शंकर खत्री, सोही मुद्दामा ६ दिन कैद सजाय तोकिएका टीकापुर नगरपालिका–६ कटानपुरका २४ वर्षीय उमेश चौधरी र सोही मुद्दामा २ महिना ९ दिन कैद सजाय र २५ हजार तोकिएको टीकापुर नगरपालिका–३ बस्ने २० वर्षीय समिर चौधरी रहेको प्रहरीले जनाएको छ ।
तीनै जनालाई इलाका प्रहरी कार्यालय टीकापुरबाट खटिएको प्रहरी टोलीले पक्राउ गरेको जनाएको छ।
