धनगढी । कञ्चनपुरमा भन्सार छलीका सामान नियन्त्रणमा लिएको छ ।
बिहीबार जिल्लाको भीमदत्त नगरपालिका–४ बसपार्क, वडा नं.१० सुकासाल र वडा नं. ११ गड्डाचौकीबाट अवैध रुपमा भारतबाट भन्सार
छली गरि ल्याएका अन्दाजी मूल्य रु ६ लाख ७७ हजार १५० बराबरको चिनी, सुर्ती, दाल, मिठाइ,विभिन्न किसिमका कपडा, हार्डवेयर, १ थान मोटरसाइकललगायतका सामानहरु नियन्त्रणमा लिइएको सुदूरपश्चिम प्रदेश प्रहरी कार्यालय धनगढीले जनाएको छ ।
उक्त सामान जिल्ला प्रहरी कार्यालय तथा मातहत कार्यालयबाट खटिएको प्रहरी गस्ती टोलीले बेवारिसे अवस्थामा फेला पारी नियन्त्रणमा लिएको जनाइएको छ ।
