काठमाडौं । एमालेले कारबाही गरेपछि पत्रकार सम्मेलन गरेर मातृभूमि जागरण अभियानको घोषणा गरेका भीम रावल नवगठित नेपाली कम्युनिष्ट पार्टीमा आवद्ध हुने भएका छन् । रावललाई एकता घोषणासभामा नै सहभागी गराउने तयारी गरिएको थियो । त्यसको लागि पुष्पकमल दाहालले पनि रावलसँग निरन्तर सम्वाद गरेका थिए ।
तर, उनले केही समय लिने भनेपछि १९ कार्तिकको एकता राष्ट्रिय सम्मेलनमा उनी गएनन् । तर, यो बीचमा रावलसँग संयोजक प्रचण्डले फरि सम्वाद गरेका थिए । त्यसपछि भने रावल एकतामा सामेल हुन राजी भएको बताइन्छ ।
