धनगढी । कैलालीबाट प्रहरीले अवैध रूपमा भारतबाट भन्सार छली गरी ल्याएका सामान बरामद गरेको छ।
मंगलबार जिल्लाको धनगढी उपमहानगरपालिका–३, चौराहा क्षेत्रबाट अन्दाजी रु. ३९ हजार २ सय बराबरका बिडी, सुर्ती, प्लाष्टिक झिल्ली लगायतका सामान बेवारिसे अवस्थामा फेला पारी बरामद गरेको प्रहरीले जनाएको छ।
बरामद गरिएका सामान आवश्यक प्रक्रिया पूरा गरी नियन्त्रणमा लिइएको र यसबारे थप अनुसन्धान भइरहेको प्रहरीले जनाएको छ।
