धनगढी । निर्वाचन आउन चार दिन बाँकी रहँदा नेकपा एमाले कैलाली क्षेत्र नम्बर ५ ले आज धनगढीमा आयोजना गरेको बृहत र्यालीमा उल्लेख जनसागर उर्लेको छ ।
धनगढीको क्याम्पस गेटबाट जेनजी युवा सहितको उल्लेख्य सहभागीताका चटक पुर पुगेर कोणसभामा परिणत भएको थियो ।
कोणसभामा बोल्दै ढुंगानाले आफ्नो निर्वाचन क्षेत्रमा घरदैलो अभियान गर्ने क्रममा मतदाताले आफूलाई मतदान गरेर विजयी गराउने प्रतिक्रिया दिएको बताए ।
उनले मतदाताको अपार मायाले आफ्नो जित सुनिश्चित रहेको दाबी गर्दै शिक्षा, स्वास्थ्य र पूर्वाधार विकासलाई प्राथमिकतामा राखेर काम गर्ने बताए ।
आफू युवाको प्रतिनिधिका रूपमा चुनावी मैदानमा उत्रिएको बताउँदै उनले पदमा नहुँदा पनि जनताको पक्षमा निरन्तर काम गरेकोले आफूप्रति मतदाताको आशा र भरोसा घरदैलो अभियानका क्रममा पाएको बताए ।
उनले फागनु २१ ग्ते हुने निर्वाचनमा देशभर एमालेको पक्षमा जनलहर रहेको बताउँदै पार्टीका उम्मेदवारलाई अब आ–आफ्नो वडामा खटेर एमाले पार्टीलाई विजयी गराउन केन्द्रीत हुन आग्रह गरे ।
कैलाली–५ अन्तर्गत धनगढी उपमहानगरपालिकाका १९ र कैलारी गाउँपालिकाका २ वडा पर्छन् । यही राजनीतिक अंकगणित र आफ्नो संगठनात्मक प्रभावलाई आधार बनाउँदै ढुंगाना यसपटक जित निकाल्नेमा विश्वस्त रहेको बताउँछन् ।
