धनगढी । किसान वहुउद्देश्यीय सहकारी संस्था लिमिटेड धनगढी शाखाले मृतक शेयर सदस्यका परिवारलाई सुविधा हस्तान्तरण गरेका छन ।
आज संस्थाले धनगढी उपमहानगरपालिका- ५ जाईका शेयर सदस्य दुर्गा कुश्मीका श्रीमान देवराज कुश्मीको मृत्यु भएकोमा श्रदाञ्जली सभा तथा सुविधा वितरण कार्यक्रम गरी सुविधावापतको चेक हस्तान्तरण गरेको हो।
कार्यक्रममा मृतक कुश्मीका परिवारलाई धनगढी-५ का वडा सदस्य माया ताम्राकारले सुविधा वापत रु. ५ लाख ५८ हजार बरावरको चेक हस्तान्तरण गरेकी हुन।
सुविधा वितरण कार्यक्रममा बोल्दै वडा सदस्य ताम्राकारले किसान वहुउदेश्यीय सहकारीले यसरी शेयर सदस्यका परिवारलाई सुख दु:खमा हामी साथमा छौँ भनि सुविधा प्रदान गर्ने कार्य सह्रानीय भएको बताइन ।
उनले यस्ता कार्यक्रमले शेयर सदस्यहरुमा संस्था प्रतिको विश्वास झन बढ्ने बताइन ।
संस्थाका धनगढी शाखाका प्रमुख विनोद मिजारको कार्यक्रमको सञ्चालन संस्थाका कर्मचारी भुपेन्द्र रावलले गरेका थिए ।
कार्यक्रममा स्वर्गीय कुश्मीप्रति श्रदाञ्जली अर्पण गर्दै स्वर्गीय कुश्मीका नाममा उनका परिवारलाई एउटा लिचीको बोट पनि हस्तान्तरण गरिएको जनाइएको छ ।
