धनगढी । कैलालीको धनगढी उपमहानगरपालिका–१३ कैलाली गाउमा दुई समुहबीच झडप भएको छ । आज साझ दुई समूहबीच झडप भएको हो । केटाहरूको समूहबीच भएको झडपमा केही व्यक्ति घाइते भएका छन् भने प्रहरीले १२ जनालाई नियन्त्रणमा लिएको जिल्ला प्रहरी कार्यालय कैलालीले जनाएको छ । झडपलाइ नियन्त्रण लिन हवाईफायर समेत गरिएको छ । के विषयमा झडप भएको हो एकिन विवरण आईनसकेको प्रहरीले जनाएको छ ।
झडप नियन्त्रणमा लिन नेपाली सेना, नेपाल प्रहरी तथा सशस्त्र प्रहरी बलको संयुक्त टोली परिचालन गरिएको थियो। सो क्रममा झडपमा संलग्न व्यक्तिहरूलाई नियन्त्रणमा लिइएको हो।
नियन्त्रणमा लिने क्रममा केही प्रहरीसमेत घाइते भएका छन् भने प्रहरीको एक गाडीमा सामान्य क्षति पुगेको छ। हाल घटनास्थलमा शान्ति–सुरक्षा कायम गर्न जिल्ला प्रहरी कार्यालय कैलालीका डीएसपीको नेतृत्वमा प्रहरी टोली खटिएको छ।
