धनगढी । कैलाली– ५ मा राष्ट्रिय स्वतन्त्र पार्टी (रास्वपा) का उम्मेदवार आनन्दबहादुर चन्दले १४ हजार ६६५ मतान्तरसहित अग्रस्थानमा रहेका छन् ।
प्रतिनिधिसभा सदस्य निर्वाचन अन्तरगत जारी मतगणनामा चन्द आफ्ना निकटतम प्रतिष्पर्धीसँग फराकिला मतान्तर बनाउँदै लगेका हुन् ।
हालसम्मको मतपरिणाम अनुसार रास्वपाका उम्मेदवार चन्दले २३ हजार २२४ मत प्राप्त गरेका छन् भने उनका निकटतम प्रतिष्पर्धी नेपाली कांग्रेसका नरनारायण शाहले ८ हजार ५५९ मत प्राप्त गरेका छन् ।
त्यस्तै,नेपाली कम्युनिष्ट पार्टी (नेकपा)का उम्मेदवार प्रेमबहादुर आलेले ६ हजार २९६ र नेपाल कम्युनिष्ट पार्टी (एमाले)का उम्मेदवार यज्ञराज ढुङ्गानाले ४ हजार ३८० मत प्राप्त गरेको मुख्य निर्वाचन अधिकृतको कार्यालयले जनाएको छ ।
हालसम्म ४८ हजार नौ मत गणना भएको जनाइएको छ । कैलाली–५ मा कुल मतदाता सङ्ख्या १ लाख १० हजार ५३९ रहेकोमा ६६ हजार १९१ मत खसेको थियो ।
