धनगढी । मुक्त कमैया महिला विकास मञ्च कैलालीदवारा सञ्चालित गैह्र परम्परागत क्षेत्रमा महिला उद्यमशीलता विकास परियोजना अन्तरगत धनगढी उपमहानगरपालिकाको परियोजना अनुगमन तथा मूल्याङ्कन समितिको बैठक सम्पन्न भएको छ ।
आज धनगढीमा आयोजित समितिको बैठकमा संस्थाका कार्यक्रम संयोजक इन्द्र चौधरीले परियोजनाले विगतमा गरेका कामको प्रगति एवं आगामी योजनाको बारेमा जानकारी गराएका थिए ।
उनले सन् २०२४ जुनबाट सुरुभएको उक्त परियोजनाले गैह्र परम्परागत क्षेत्रमा महिला उद्यमशीलताका लागि थुप्रै कार्यहरु गरेको बताए । उनले यसअघि उपमहानगरपालिका भित्रका ६१ जनालाई विभिन्न तालिम दिएको बताउँदै ५१ जनालाई उद्यम स्थापनाका लागि आर्थिक सहयोग गरेको बताए ।
उनले यस परियोजनामा आर्थिकरुपमा विपन्न,अपाङ्गता भएका व्यक्ति,उद्यम गर्न चाहने महिला तथा युवालाई समेट्दै आएको बताए ।
उनले सन् २०२६ को डिसेम्बरसम्म सञ्चालन हुने उक्त परियोजनाले आगामी दिनमा गर्ने कार्यहरुको बारेमा पनि जानकारी गराएका थिए ।
उनले आगामी कार्यक्रममा ३५ जनालाई गैह्र परम्परागत क्षेत्रमा सीप विकासका लागि तालिम दिने,३५ जनालाई व्यवसाय स्थापनाका लागि आर्थिक सहयोग गरिने बताए ।
तालिम सञ्चालनका लागि प्रशिक्षक तथा प्रशिक्षार्थीसमेत पाउन कठिनाइ हुने गरेको उनले अनुभव सुनाए । यो परियोजना धनगढी उपमहानगरपालिका र गोदावरी नगरपालिकामा सञ्चालित रहेको उनले बताए । सन् २०२६ का लागि धनगढी उपमहानगरपालिकामा मात्रै परियोजना सञ्चालनका कुल बजेट ४५ लाख ९१ ह्जार ७५७ रहेको उनले जानकारी दिए ।
बैठकका सहभागिहरुले तालिमका लागि प्रशिक्षार्थी छनोटमा पारदर्शीता हुनुपर्नेमा जोड दिएका थिए । बैठममा बोल्दै धनगढी उपमहानगरपालिकाका नगर उपप्रमुख कन्दकलाकुमारी रानाले तालिम लिएर केही गर्न चाहनेलाई परियोजनाले जोड दिनुपर्ने बताइन् ।
उनले संस्थाले यस परियोजनामार्फत उद्यमी बनाउनमा टेवा पु¥याएको बताउँदै आगामी दिनमा पनि थप राम्रो उपलब्धि हुने अपेक्षा व्यक्त गरिन् । बैठकको सहजीकरण संस्थाका कर्मचारी पदमराज जोशीले गरेका थिए ।
