डोटी । डोटीको बिपिनगरमा ईलाका प्रशासन कार्यालयको स्थापना भएको छ ।
जिल्ला सदरमुकामदेखि दक्षिणी भेगका तीन वटा स्थानीय तहलाई लक्षित गर्दै बिपिनगरमा कार्यालय स्थापना गरिएको हो ।
तत्कालीन प्रधानमन्त्री सुशीला कार्की नेतृत्वको अन्तरिम सरकारले २०८२ माघ १० गते डोटीको बिपिनगरमा ईलाका प्रशासन कार्यालय स्थापना गर्ने निर्णय गरेको थियो ।
बुधबार ईलाका प्रशासन कार्यालयको गृह मन्त्रालयका प्रवक्ता एवं सहसचिव आनन्द काफ्लेले उद्घाटन गरेका हुन् ।
बडीकेदार गाउँपालिका-१ का स्थानीय सोविता बोहरालाई नागरिकताको प्रमाणपत्र प्रदान गरी सेवाको शुभारम्भ गरिएको हो ।
यहाँ इलाका प्रशासन कार्यालयको स्थापना भएसँगै जोरायल गाउँपालिका र बडीकेदार गाउँपालिका पुरै तथा बोगटान फुड्सिल गाउँपालिकाका तीन ओटा वडा १, २ र ३ का स्थानीयले सेवा पाउने भएका छन् ।
भौगोलिक विकटताका कारण सेवाग्राहीलाई सेवा लिन असहजता तथा आर्थिक रूपले बढी खर्चिलो हुने समस्यालाई मध्यनजर गरी ईलाका प्रशासन कार्यालयको स्थापना गरिएको हो ।
