धनगढी । कैलालीको टीकापुर नगरपालिकाले सरकारी जग्गा अतिक्रमण गरी बनाइएका बस्ती तथा संरचना हटाउन सुरु गरेको छ।
नगरपालिकाका प्रमुख प्रशासकीय अधिकृत सुमन धितालका अनुसार नगर क्षेत्रमा रहेका अतिक्रमित जमिन खाली गराउन थालिएको हो ।
आज टीकापुर नगरपालिका–१ को जमरा पुल क्षेत्रदेखि बसपार्कसम्म अतिक्रमण गरेर बनाइएका संरचना हटाउने काम भइरहेको उनले जानकारी दिए।
नगरका विभिन्न स्थानमा सरकारी जग्गा अतिक्रमण गरी संरचना बनाइएको पाइएको छ।
यससँगै, अतिक्रमण हटाउने अभियानलाई प्रभावकारी बनाउन नगरपालिकाले वडास्तरमै तथ्यांक संकलनको कामसमेत अघि बढाएको जनाएको छ।
