धनगढी । कैलालीबाट अवैध लागुऔषधसहित ७ जना पक्राउ परेका छन ।
जिल्लाको टिकापुर नगरपालिका-१ ब्लक नम्बर १४ बाट अवैध लागुऔषध खैरो हेरोईन जस्तो देखिने धुलो पदार्थ ३ ग्राम ११० मिलिग्राम र लागुऔषध चरेस जस्तो देखिने कालो पदार्थ ७ ग्राम ५६० मिलिग्राम सहित सोही नगरपालिका-९ बस्ने २० वर्षीय पुष्प साउदसहित ६ जनालाई बिहीबार दिउँसो प्रहरीले पक्राउ गरेको सुदूरपश्चिम प्रदेश प्रहरी कार्यालयले जनाएको छ ।
इलाका प्रहरी कार्यालय टिकापुरबाट खटिएको प्रहरीले शंका लागि चेकजाँच गर्दा उक्त पदार्थ फेला पारी उक्त पदार्थ सहित उनीहरूलाई पक्राउ गरेको जनाएको छ ।
यसैगरी, टीकापुर नगरपालिका-९ खक्रौलाबाट २८० मिलिग्राम लागुऔषध खैरो हेरोईन जस्तो देखिने धुलो पदार्थ सहित सोही नगरपालिका-१ बस्ने ३० वर्षीय कुबेर बनलाई बिहीबार वेलुका प्रहरीले पक्राउ गरेको जनाएको छ ।
प्रहरी चौकी कालाकुण्डाबाट खटिएको प्रहरीले बा ७८ प १५१५ नम्बरको स्कुटरमा सवार बनलाई शंका लागि चेकजाँच गर्दा उक्त पदार्थ फेला पारी उक्त पदार्थ,स्कुटर सहित पक्राउ गरेको जनाएको छ ।
