धनगढी । कैलालीबाट प्रहरीले लागुऔषधसहित ४ जनालाई नियन्त्रणमा लिएको छ ।
कैलाली धनगढी उपमहानगरपालिका-१३ एयरपोर्ट मोडबाट अवैध लागुऔषध खैरो हेरोईन जस्तो देखिने धुलो पदार्थ २ ग्राम २३० मिलिग्राम सहित सोही ठाउँ बस्ने १९ वर्षीय लक्ष्मण रानालाई सोमबार साँझ प्रहरीले पक्राउ गरेको जनाएको छ ।
जिल्ला प्रहरी कार्यालयबाट खटिएको प्रहरीले शंका लागि चेकजाँच गर्दा उक्त पदार्थ फेला पारी उक्त पदार्थ सहित रानालाई पक्राउ गरेको हो ।
यसैगरी,भजनी नगरपालिका-३ कुसुमघाटबाट ७९० मिलिग्राम लागुऔषध खैरो हेरोईन जस्तो देखिने धुलो पदार्थ सहित २ जनालाई सोमबार साँझ प्रहरीले पक्राउ गरेको छ ।
पक्राउ पर्नेहरूमा गौरीगंगा नगरपालिका-७ बस्ने २८ वर्षीय शिव कामी र १७ वर्षीय किशोर रहेका छन । भारत बाट नेपाल तर्फ आँउदै गरेको अवस्थामा प्रहरी चौकी जनकपुरबाट खटिएको प्रहरीले भे ७ प ४४० नम्बरको मोटरसाइकलमा सवार उनीहरुलाई शंका लागि चेकजाँच गर्दा उक्त पदार्थ फेला पारी उक्त पदार्थ,मोटरसाइकलसहित पक्राउ गरेको जनाएको छ ।
यसैगरी,भजनी नगरपालिका-८ काडाँबाट अवैध लागुऔषध खैरो हेरोईन जस्तो देखिने धुलो पदार्थ १ ग्राम १२० मिलिग्राम सहित जानकी गाउँपालिका-२ बस्ने २९ वर्षीय दीपक दमाईलाई सोमबार साँझ प्रहरीले पक्राउ गरेको छ ।
प्रहरी चौकी जनकपुरबाट खटिएको प्रहरीले शंकास्पद रुपमा पैदल हिडिरहेको अवस्थामा शंका लागि चेकजाँच गर्दा उक्त पदार्थ फेला पारी उक्त पदार्थ सहित दमाईलाई पक्राउ गरेको जनाएको छ ।
