धनगढी । प्रहरीले सुदूरपश्चिमका तीन जिल्लाबाट अवैध भन्सार छलीका सामान नियन्त्रणमा लिएको छ ।
कञ्चनपुरको विभिन्न स्थानबाट अवैध रुपमा भारतबाट भन्सार छली गरि ल्याएका अन्दाजी मूल्य रु.७३ हजार ५४४ बराबरको क्रिम, पाउडर, तेल, साबुन, विभिन्न किसिमका औषधि, किराना लगायतका सामानहरु बुधबार जिल्ला प्रहरी कार्यालय मातहत कार्यालयबाट खटिएको प्रहरी गस्ती टोलीले बेवारिसे अवस्थामा फेला पारी आवश्यक प्रक्रिया पूरा गरि नियन्त्रणमा लिएको जनाएको छ ।
त्यस्तै, कैलालीमा अवैध रुपमा भारतबाट भन्सार छलि गरि ल्याएका अन्दाजी मूल्य रु.२१ हजार बराबरको सिद्रा माछा इलाका प्रहरी कार्यालय बहुलियाबाट खटिएको प्रहरी गस्ती टोलीले बेवारिसे अवस्थामा फेला पारी आवश्यक प्रक्रिया पूरा गरि नियन्त्रणमा लिएको जनाएको छ ।
त्यस्तै बैतडीको दशरथचन्द नगरपालिका २ सुँगरखालीबाट अवैध रुपमा भारतबाट भन्सार छली गरि ल्याएका अन्दाजी मूल्य रु.१ लाख ४४ हजार बराबरको ३६० बण्डल पनिहारिन बिँडि वुधबार जिल्ला प्रहरी कार्यालयबाट खटिएको प्रहरी गस्ती टोलीले बेवारिसे अवस्थामा फेला पारी आवश्यक प्रक्रिया पूरा गरि आवश्यक कारवाहीको लागि भन्सार कार्यालय झुलाघाट बैतडीमा बुझाएको प्रहरीले जनाएको छ ।
