धनगढी । कैलाली र बाजुरामा आगलागीबाट विभिन्न धनमाल जलेर नष्ट भएका छन ।
जिल्लाको गोदावरी नगरपालिका-९ बल्मी बस्ने लक्ष्मीदेवी जोशीको गोठमा सोमबार दिउँसो आगलागी हुँदा गोठ र गोठ भित्र रहेका काठ, भुसा, पराल लगायतका सामानहरु गरि अन्दाजी मुल्य रु.१ लाख ७० हजार बराबरको धनमाल जलेर नष्ट भएको प्रहरीले जनाएको छ ।
आगलागीबाट मानवीय तथा चौपाया क्षति नभएको, आगलागी स्थानीय, प्रहरी र दमकलको सहयोगमा नियन्त्रणमा आएको जनाएको छ ।
त्यस्तै, बाजुराको खप्तडछेडेदह गाउँपालिका-५ डोगडी बस्ने लोकेन्द्र रावतको ढुङ्गा माटोले बनेको टिनले छाएको २ तले ८ कोठे कच्ची घरमा बिद्युतको तार सट भई आगलागी हुँदा गोठमा बाधेका २ वटा बाख्रा जलेर मरेका प्रहरीले जनाएको छ ।
आगलागीबाट घर र घर भित्र रहेका खाद्यान्न, भाँडा वर्तन, लत्ताकपडा लगायतका धनमाल जलेर नष्ट भएको जनाइएको छ ।
क्षतिको विवरण आउन बाँकी रहेको जनाइएको छ । मानवीय क्षति नभएको, स्थानीय र प्रहरीको सहयोगमा आगलागी नियन्त्रणमा आएको जनाएको छ ।
