धनगढी । कैलालीको धनगढीमा ‘धनगढी उत्सव–२०८३’ आयोजना हुने भएको छ । प्रभात मिडिया एण्ड इभेन्ट्स प्रालिको आयोजनामा यही जेठ २१ गतेबाट असार ११ गतेसम्म उत्सव सञ्चालन हुने भएको हो ।
आयोजक प्रभात मिडिया एण्ड इभेन्ट्स प्रालिले आज पत्रकार सम्मेलन गर्दै उत्सवबारे जानकारी गराएको छ ।
यहाँको स्थानीय प्रतिभा,कला,संस्कृतिका साथै यहाँको व्यापार प्रवद्र्धनका लागि मेला आयोजना गर्न लागिएको प्रभात मिडिया एण्ड इभेन्ट्स प्रालिका अध्यक्ष प्रकाश क्षेडालले बताए ।
उनले धनगढीलाई चिनाउन,यहाँका सकरात्मक सूचना प्रवाह गर्ने समेत उदेश्य रहेको बताए । उनले भने ‘गर्मीको समयमा मान्छेको गर्मीपना हटाउन साझको समयमा उत्सव सुरु गर्न लागेका छौँ । स्वस्थ मनोरञ्जन दिने तथा स्थानीय कलाकारको प्रवद्र्धन गर्ने उदेश्य छ ।’
उनले दर्शकको माग अनुसार राष्ट्रिय कलाकार ल्याइने भएपनि स्थानीय कलाकारको प्रवद्र्धन गर्ने र बढीभन्दा बढी स्थानीय कलाकारलाई प्राथमिकता दिइने बताए ।
उ
नले उत्सव करिब १५ लाख लगानीमा सम्पन्न हुने अनुमान गरिएको बताए । उत्सव अवलोकनका लागि सर्वसाधारणलाई रु ३० र विद्यार्थीलाई रु २० टिकट दर निर्धारण गरिएको आयोजकले जनाएको छ ।
उत्सव साँझ ५ बजेदेखि ९ राति बजेसम्म सञ्चालन हुने जनाइएको छ । उत्सव धनगढीस्थित ओम शान्ति अगाडिको खुला मैदानमा सञ्चालन हुने जनाइएको छ ।
