धनगढी । सुदूरपश्चिम प्रदेश सरकारले आगामी आव २०८३/८४ को नीति तथा कार्यक्रम प्रदेशसभामा पेश गरेको छ ।
सोमबार प्रदेश प्रमुख नजिर मियाँले प्रदेशसभामा नीति तथा कार्यक्रम प्रस्तुत गरेका हुन् ।
प्रस्तुत नीति तथा कार्यक्रममा पूर्वाधार विकास,शिक्षा,स्वास्थ्य,खानेपानी,पर्यटन,रोजगारी लगायतलाई प्राथमिकता दिइएको छ ।
प्रदेश गौरवका आयोजनाहरू आगामी आवभित्र सम्पन्न गर्ने गरी बजेट विनियोजन, सहजीकरण,समन्वय र नियमन गर्ने प्रबन्ध मिलाइने प्रदेश प्रमुखले प्रस्तुत गरेको नीति तथा कार्यक्रममा उल्लेख छ ।
वैदेशिक रोजगारीबाट फर्किएका, द्वन्द्व प्रभावित, अपाङ्ग, घाइते, शहीद परिवार, एकल महिला, मुक्त कमैया, कमलरी, हलिया, दलित, बादी, राजी, राउटे, गरिबीको रेखामुनि रहेका वर्ग र समुदायका स्वरोगार बन्न चाहने युवायुवतीका लागि तालिम प्रदायक निकायहरूसँगको सहकार्यमा सीपमूलक तालिम सञ्चालन तथा सहुलियत व्याजदरमा कर्जा प्रदान गरिने प्रदेश प्रमुख मियाँले बताए ।
उनले प्रदेशका सबै घरपरिवारलाई आधारभूत खानेपानी सेवा पुर्याउन “आधारभूत खानेपानी” कार्यक्रम र खानेपानी सबैको पहुँचमा पुर्याउन “एक घर, एक धारा” कार्यक्रम कार्यान्वयनमा ल्याइने बताए ।
गरिबी न्युनीकरण गर्ने कार्यक्रमलाई शिक्षा, स्वास्थ्य, पोषण कार्यक्रमसँग आवद्ध गरी विशेष गरि उच्च गरिबीका दर भएका स्थानीय तहहरू अछामको ढकारी गाउँपालिका र कमलबजार नगरपालिका, डोटीको शिखर नगरपालिका, बाजुराको त्रिवेणी नगरपालिका र बैतडीको सिगास गाउँपालिका र शिवनाथ गाउँपालिकामा सघनरूपमा सञ्चालन गरी लक्षित वर्गको जीवनस्तरमा सुधार ल्याइने नीति तथा कार्यक्रममा उल्लेख छ ।
प्रदेशका ९ वटै जिल्लामा धार्मिक पर्यटकीय क्षेत्रहरुहरूको संरक्षण र सम्बद्र्धन गरी देवाटवी सर्किटमा जोड्नका लागि आवश्यक व्यवस्था मिलाइने जाइएको छ ।
त्यस्तै, सेती प्रादेशिक अस्पताल, महाकाली प्रादेशिक अस्पताल र टीकापुर अस्पताललाई १०० शैय्या क्षमतामा विस्तार गरिने नीति तथा कार्यक्रममा उल्लेख छ ।
यस्तो छ नीति तथा कार्यक्रम
वार्षिक-नीति-तथा-कार्यक्रम-२०८३।८४
