धनगढी । कैलालीमा अवैध लागुऔषधसहित ५ जना पक्राउ परेका छन ।
सोमबार जिल्ला विभिन्न ठाउँबाट अवैध लागुऔषधसहित उनीहरू पक्राउ परेका हुन ।
सुदूरपश्चिम प्रदेश प्रहरी कार्यालयका अनुसार जिल्लाको धनगढी उपमहानगरपालिका-१३ मोहनपुरबाट ३६० मिलिग्राम लागुऔषध खैरो हेरोईन जस्तो देखिने धुलो पदार्थसहित बैतडीको पाटन नगरपालिका- ८ बस्ने ३३ वर्षीय ईन्द्रबहादुर बिष्ट र कञ्चनपुरको लालझाडी गाउँपालिका-११ बस्ने २५ वर्षेय शुसिल थापा मगर पक्राउ परेका छन ।
यसैगरी, धनगढी उपमहानगरपालिका ३ बाट नियन्त्रित लागुऔषध स्पास (ट्रामाडोल) २९ ट्याबलेट सहित सोही ठाउँ बस्ने २३ वर्षीय रितेश थापा पक्राउ परेको प्रहरीले जनाएको छ ।
यसैगरी, भजनी नगरपालिका-६ बिसनपुरबाट ६ ग्राम २९० मिलिग्राम लागूऔषध खैरो हेरोईन जस्तो देखिने धुलो पदार्थसहित टीकापुर नगरपालिका ७ बस्ने २३ वर्षीय राजबिन महतो र १८ बर्षिय किशोर पक्राउ परेको प्रहरीले जनाएको छ ।
