धनगढी । कैलालीको टीकापुरमा यही जेठ २३ र २४ गते ‘अन्तर व्यवस्थापिका सम्मेलन’ हुने भएको छ । अन्तर व्यवस्थापिका मञ्चको आयोजनामा सम्मेलनको हुन लागेको हो ।
सुदूरपश्चिम प्रदेशसभाका सभामुख भीमबहादुर भण्डारीका अनुसार सम्मेलनमा प्रतिनिधिसभाका सभामुख र उपसभामुख,राष्ट्रियसभाका अध्यक्ष र उपाध्यक्ष तथा सात वटै प्रदेशसभाका सभामुख र उपसभामुखको सहभागिता रहने छ ।
सम्मेलनमा सङ्घीय संसद तथा प्रदेशसभाले हालसम्म निर्माण गरेका कानुन,भएका प्रगतिका बारेमा छलफल र अनुभव आदानप्रदान गरिने उनले बताए ।
स
म्मेलन विशेषगरी राजनीतिक अस्थिरता र त्यसले सङ्घ तथा प्रदेशसभामा पार्ने प्रभाव एवं सभामुखको भूमिकामा अझ बढी पेचिलो हुने बताउँदै उनले कानुन र संविधानको परिधिभित्र रहेर निश्पक्ष स्वतन्त्र हुँदाहुँदै पनि सभामुखको भूमिकामा प्रश्न उठ्ने बारे अझ बढी छलफल गर्नुपर्ने बताए ।
सम्मेलनमा सभामुखहरु,उपसभामुखहरु र सचिवहरुको अलगअलग प्यानल बनाइ समूहगत छलफल हुने तथा दुई जना विज्ञबाट बजेट निर्माण र संघीयता कार्यान्वयनका बिषयमा प्रशिक्षण हुने उनले जानकारी दिए । २४ गते पत्रकार सम्मेलनमार्फत घोषणापत्र सार्वजनिक गरिने उनको भनाइ थियो ।
