धनगढी । कञ्चनपुरबाट अवैध भन्सार छलीका सामानसहित एक जना पक्राउ परेका छन ।
जिल्लाको भीमदत्त नगरपालिका-६ बनगाउँबाट अवैध रुपमा भारतबाट भन्सार छली गरि ल्याएका अन्दाजी मूल्य रु.१३ लाख ९७ हजार ७८० बराबरको सामानसहित एक जना पक्राउ परेका छन ।
उक्त मूल्यका वाल फेन, सिलिङ फेन, एल.ई.डी.बल्ब, कलर लाईट, युके ०४ एन २२५५ भारतीय नम्वरको टोयटा कम्पनीको कारलगायतका सामानहरु सहित चालक पुनर्वास नगरपालिका-१ बस्ने ५३ वर्षीय डम्मर चन्दलाई जिल्ला प्रहरी कार्यालय कञ्चनपुरबाट खटिएको प्रहरीले शुक्रबार दिउँसो फेला पारी आवश्यक कारबाहीको लागि भन्सार कार्यालय गड्डाचौकी पठाइएको जनाएको छ ।
