धनगढी । किसान बहुउद्देश्यीय सहकारी संस्था लिमिटेड सहजपुर शाखाले मृतक शेयर सदस्यका परिवारलाई आर्थिक सहयोग प्रदान गरेको छ ।
सहकारीली आज श्रीमान गुमाएकी चुरे गाउँपालिका-३ आमथलाकी शेयर सदस्य भागिरथी सारुलाई आर्थिक सहयोग प्रदान गरेको हो।
श्रीमानको निधनपछि शोकमा रहेकी सारुलाई संस्थाको सदस्य सुरक्षण कोष कार्यक्रमअन्तर्गत रु. १ लाख ८ हजार बराबरको आर्थिक सहायता प्रदान गरिएको हो।
संस्थाले आयोजना गरेको श्रद्धाञ्जली सभा तथा सुविधा वितरण कार्यक्रममा उक्त रकमको चेक हस्तान्तरण गरिएको थियो।
साथै दिवंगत सदस्यप्रति श्रद्धाञ्जली अर्पण गर्दै परिवारजनप्रति गहिरो समवेदना व्यक्त गरिएको थियो।
संस्थाका सहजपुर शाखा प्रमुख दिनेशराज न्यौपानेको अध्यक्षातामा भएको कार्यक्रमको सञ्चालन सहजपुर शाखाका लेखा सहायक प्रमानन्द जैसीले गरेका थिए ।
कार्यक्रममा शेयर सदस्य तथा स्थानीय समुदायको उपस्थिति रहेको थियो। सहकारीले सदस्यहरूको सुख दुःखमा साथ दिने उद्देश्यले सञ्चालन गर्दै आएको सदस्य सुरक्षण कोष कार्यक्रमअन्तर्गत उक्त सहयोग प्रदान गरिएको जनाइएको छ ।
