कैलाली- श्रम तथा रोजगार कार्यालय धनगढीमा पुनः श्रम स्वीकृतिको काम स्थगित भएको छ । उक्त कार्यालयमा अरबियन भाषा अनुवादक नभएकोले अरबियान देशहरूको पुनः श्रम स्वीकृतिको काम अर्को सूचना जारी नभएसम्मको लागि रोकिएको हो । निमित्त कार्यालय प्रमुख जनकसिंह उखेडाले भाषा अनुवादको प्रबन्र्ध भएपछि पुनः सुचारू गरिने बताए । अरेबियन देशबाहेक अन्य देशको काम भने चलिरहेको उनको भनाई छ । कार्यालयमा गत फागुनरचैतदेखिनै अरेबियन भाषा अनुवादन अभाव थियो । कार्यालयमा रहेका भाषा अनुवादकले छोडेर गएपछि अर्को मान्छे नपाइएको उखेडाले बताए ।
अहिले देशभरका श्रम कार्यालय अनलाइन सिस्टममा गइसकेका छन् । जसले गर्दा श्रम स्वीकृति तथा पुनः श्रम स्वीकृतिको काम अनलाइन मार्फत नै गराउन सकिन्छ । ‘हाम्रो क्षेत्रकाले पनि अनलानइन मार्फत जुनसुकै कार्यालयमा अनलाइन आवेदन दिन सकिने व्यवस्था छ । जसले गर्दा अन्यत्र कार्यालयबाट काम भइरहेको थियो,’ उखेडाले भने ।
भाषा अनुवादक नहुँदा साउदी, कतार, बहराईन कुवेत लगायतका देशमा प्रमुख श्रम गन्तव्य मुलुकमा पुनः श्रम स्वीकृतिको काम रोकिएको हो । कार्यालयबाट भाषा अनुवादकबारे पहिला नै सूचना जारी गरेपनि कार्यालयमा सेवाग्राहीहरू आउने गरेका छन् । अहिले तिहारपछि पुनः श्रम स्वीकृति लिनेको घुइँचो लागेपछि सबै कार्यालयमा चाप बढेको छ । सबैतिर चाप बढेपछि श्रम तथा व्यवसायजन्य सुरक्षा विभाग मार्फत कार्यालयले पुनः सूचना जारी गरेको हो ।
