धनगढी- लोकतान्त्रिक बाम गठबन्धनबाट कैलाली क्षेत्र नम्बर ५ ‘क’ का प्रदेशसभा सदस्य उम्मेदवार रमेशसिंह धामीले विगतमा हुन नसकेका कामहरुलाई निरन्तरता दिई जनताका थप आवश्यकता पुर्ति गर्न आफू तयार रहेको बताएका छन् ।
शुक्रबार धनगढी उपमहानगरपालिका वडा नम्बर ७ मा टोल भेलालाई सम्बोधन गर्दै उनले यस्तो बताएका हुन् । परिवर्तनको लागि ठूलो महत्वपूर्ण भूमिका खेलेका पटेलाबासीका समस्या समाधानका लागि आफू तत्पर रहेको उनले बताए ।
‘हामी कोरा सपना बाँड्दैन, जिम्मेवारीको भारी बोक्छौ,’ उनले भने, ‘जनताको शिर नझुकने गरि काम गछौं ।’ उनले आफू निर्वाचित भइसकेपछि भ्रस्टचार नगर्ने र अरुलाई पनि भ्रस्टाचार गर्न नदिने बताए । उनले आफू विजयी भएर गएमा पाँच वर्षभित्र जनताको अपेक्षा अनुसार काम गरेर देखाउने दाबी गरे ।
साथै उनले संविधानको रक्षा र विकास र समृद्धिका लागि गठबन्धनलाई नै जिताउनुपर्ने बताए । संघ र प्रदेश एकले मात्रै हार बेहोर्दा काम गर्न अप्ठेरो हुने भन्दै उनले दुबै तहका उम्मेदवारलाई जिताउनुको विकल्प नरहेको उनको भनाई छ ।
